கனவுகள்

நேர்மறை எதிர்மறை

இயல்பு ஆச்சரியம்

முடிவுள்ளது முடிவற்றது

விருப்பு வெறுப்பு

வெண்மை கருப்பு

நன்மை தீமை

நடப்பது நடக்காதது 

போன்ற விசித்திரமான 

மாயச்சுழலில் கரடுமுரடாகக் கலந்து 

பல்வேறு வேடிக்கைகளில் மிதந்து 

யதார்த்தத்திலிருந்து விலகி குழப்பத்தில் திரிந்து;

நம்புகிற நம்பமுடியாத நாடகம் அரங்கேறும் மேடை

இலக்கியம் பாடாத காதை

கவிஞன் சொல்லாத உவமை 

எல்லாம் 

தூக்கம் தீட்டும் கனவுச் சித்திரங்கள் சொல்லி விட;

உயிரில் எங்கோ பிறந்து 

பாதி இருளிலேயே அழிந்து

அரிய சில அரைகுறையக நினைப்பில் கலந்து 

ஞாபகத்தின் சொந்தங்களாக எஞ்சி நிற்கும் கணநேரப் புனைவுகளே கனவுகள்.